پاکستان اتے عمان وچال تجارت، سرمایہ کاری اتے عوامی سطح تے رابطے دے ودھارے دے متمنی ہیسے،وزیر خارجہ مخدوم شاہ محمود قریشی دی عمان چیمبرز آف کامرس اینڈ انڈسٹریز دے وفد نال ڳال مہاڑ

APP40-060121 ISLAMABAD: January 06 – Foreign Minister Makhdoom Shah Mahmood Qureshi received a high-powered business delegation headed by the Chairman Oman Chamber of Commerce & Industry, Engr. Redha Juma Muhammad Ali Al Saleh at the Ministry of Foreign Affairs. APP

اسلام آباد۔6جنوری (اے پی پی):وزیر خارجہ مخدوم شاہ محمود قریشی آکھیے جو پاکستان اتے عمان وچال تجارت، سرمایہ کاری اتے عوامی سطح تے رابطے دے ودھارے دے متمنی ہیسے۔ اے ڳال انہاں عمان چیمبرز آف کامرس اینڈ انڈسٹریز دے وفد نال ڳال مہاڑ کریندے ہوئیں آکھی اے جنہاں خمیس کوں وزارتِ خارجہ اچ انہاں دے نال ملاقات کیتی ۔سیکرٹری خارجہ سہیل محمود ،عمان اچ پاکستان دے سفیر ایمبیسڈر، کے کے احسن وگن سودھے وزارتِ خارجہ دے سینئر افسران ؤی ایں ملاقات اچ شریک ہن ، وزیر خارجہ مخدوم شاہ محمود قریشی سلطنت عمان دے سلطان ہیثم بن طارق السعید دی قیادت دی تعریف کیتی ۔وزیر خارجہ انجینئر ریدھا جمعہ محمد علی الصالح، کوں بطور چیئرمین او سی سی ائی عمان تقرری تے مبارخ ݙتی اتے آکھیے جو پاکستان اتے عمان وچال مشترکہ تقافتی اتے تہذیبی اقدار دی بنیاد تے استوار، گھاٹے برادرانہ تعلقات ہن۔عرب ملکاں اچ عمان نہ صرف جغرافیائی طور تے بلکہ ثقافت اتے زبان دے لحاظ نال وی پاکستان دے ٻہوں نیڑے اے ۔ شاہ محمود قریشی آکھیے جو پاکستانی قیادت دا وژن معاشی تحفظ دے گرد مرکوز اے۔پاکستان، جیو اکنامکس دے ایجنڈے تے عمل کریندا پئے ، مخدوم شاہ محمود قریشی آکھیے جو وزارتِ خارجہ، اقتصادی سفارت کاری دے ذریعے معاشی استحکام کیتے کوشاں اے،220 ملین دی آبادی تے مشتمل، معیشت تھیوݨ دے ناطے، پاکستان،ٻاہرلے سرمایہ کاراں کیتے کاروبار کرݨ اتے منافع کماوݨ دے پرکشش مواقع ݙیندے ۔