اسلام آباد۔6جنوری (اے پی پی):صدرمملکت ڈاکٹر عارف علوی عمان دے سرمایہ کاراں تے زور ݙتے جو عمانی تاجر پاکستان اچ سرمایہ کاری کرن تے پاکستان دی آزاد اتے سرمایہ کاری دوست پالیسی توں فیدہ چاون ،پاکستان دی سازگار کاروباری پالیسیاں توں غیر ملکی سرمایہ کاراں دے اعتماد اچ خاطر خواہ ودھارا تھئے ،پاکستان غیر ملکی سرمایہ کاری راغب کرݨ کیتے خصوصی اقتصادی اتے ٹیکنالوجی زونز قائم کیتن ۔اے ڳال اناہں خمیس کوں عمان چیمبر آف کامرس اینڈ انڈسٹری دے چیئرمین انجینئر ریدھا جمعہ محمد الصالح دی قیادت اچ تجارتی وفد ںال ڳال مہاڑ کریندے ہوئیں آکھی اے ، جنہاں انہاں نال ایوانِ صدر اچ ملاقات کیتی ۔ صدر مملکت آکھیے جو حکومت عمانی تاجراں کوں پاکستان اچ سرمایہ کاری کرݨ اچ سہولت ݙیسی ، تجارتی وفد دے دورے توں ݙوہیں ملکاں دی کاروباری برادریاں دے درمیان رابطے مزید تکڑے کرݨے ہوسن ، ملاقات اچ اقتصادی تعلقات دے ودھارے کیتے تجارتی حجم ودھاوݨ دی لوڑھ تے زور ݙتا ۔ملاقات اچ ݙوہیں ملکاں دے چیمبرز آف کامرس دے درمیان رابطے ودھاوݨ تے وی اتفاق کیتا ڳئے ۔
