اسلام آباد۔7جنوری(اے پی پی)روشن ڈیجیٹل اکائونٹس دے کھاتہ داراں دی تعداد 3 لکھ توں ودھ ڳئی اے، ڈیپازٹس دا حجم وی 3 ارب ڈالر توں ودھ ڳئے۔ ہک ٹویٹ اچ ترجمان آکھیے جو روشن ڈیجیٹل اکائونٹ 3 اہم سنگ میل پار کیتن، کھاتا داراں دی تعداد اتے ڈپازٹس دا حجم ودھݨ دے نال نال 16 مہینے اچ نیا پاکستان سرٹیفکیٹس اچ سرمایہ کاری 2 ارب ڈالر توں ودھی اے جیندے تے اساں اوورسیز پاکستانیاں دے مشکور ہیں۔ سٹیٹ بینک موجب 175 ملکاں اچ رہݨ آلے پاکستانیاں 3 لکھ 22 ہزار 463 اکائونٹس کھولین جیندے ڈپازٹس 3.160 ارب ڈالر ہین۔
