اسلام آباد۔8جنوری (اے پی پی):وزیر مملکت اطلاعات و نشریات فرخ حبیب آکھیے جو مری اچ شدید برفباری اچ قیمتی انسانی جاناں دا ضیان افسوس ناک امر اے، پاک فوج اتے امدادی ٹیماں، امدادی سرگرمیاں اچ مصروف ہن ، حالی حکومت دی ترجیح پھتے لوکاں کوں ریسکیو کرݨا اے ، برفباری متعلق انتظامیہ شہریاں کوں ݙسیندی رہی اے ۔مری ایکسپریس وے کوں ٹریفک کیتے کلئیر کرݙتا ڳئے ۔ وزیر مملکت اطلاعات و نشریات نجی چینل نال ڳال مہاڑ کریندے ہوئیں آکھیے جو نتھیا ڳلی دے نال کے پی کے اتے پنجاب دے سرحدی جاہ باڑیاں اچ اے افسوس ناک واقعہ پیش آئے ، اتھاں شدید برفباری دی وجہ توں رستے بند تھیوݨ توں امدادی کارروائیاں اچ دشواری دا سامݨا رہیا۔ فرخ حبیب آکھیے جو پاک فوج اتے امدادی ٹیماں، امدادی سرگرمیاں اچ مصروف عمل ہن ۔
