اسلام آباد۔9جنوری (اے پی پی):پورے ملک اچ گزریل چووی گھنٹے اچ کورونا وائرس ٹوں 7 اموات تھئن جنہاں اچوں 2 مریض وینٹیلیٹرز تے جاں بحق تھئن ملک اچ ساریں توں ودھ اموات سندھ دے بعد پنجاب اچ ریکارڈ کیتیاں ڳئن ۔نیشنل کمانڈ اینڈ آپریشن سینٹر دی طرفوں جاری اعدادو شمار موجب گزریل 24 گھنٹے اچ پورے ملک اچ 1 ہزار 572 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال پشاور اچ 12 فیصد،اسلام آباد اچ 10 فیصد،لاہور اچ 8 فیصد اتے سرگودھا اچ 10 فیصد مریض ہن۔ ۔گزریل چووی گھنٹے اچ کووڈ۔19 دے 49 ہزار 658 ٹیسٹس کیتے ڳئن جنہاں اچوں سندھ اچ 15 ہزار 287، پنجاب اچ 20 ہزار 103، خیبرپختونخوا اچ 9 ہزار 444،اسلام آباد اچ 3 ہزار 919، بلوچستان اچ 281،گلگت بلتستان اچ 200 ٹیسٹس، آزاد کشمیر اچ 424 ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 12 لکھ 58 ہزار 657 تھی ڳئی اے ۔
