اسلام آباد۔10جنوری(اے پی پی)صدر مملکت ڈاکٹر عارف علوی مختلف واقعات اچ شہید تھیوݨ آلے سکیورٹی اہلکاراں دے لواحقین کوں ٹیلیفون کیتا اتے پرچاوݨی ݙتی۔ صدر مملکت شہدا دے ایسآل چواب کیتے فاتحہ پڑھی اتے ورثا کوں صبر دی دعا کیتی۔ انہاں قوم کیتے قربانی اتے خدمات تے شہدا کوں سلام پیش کیتے۔ انہاں حوالدار محمد منور اتے شہید سپاہی محمد شیراز، سپاہی ذکاء اللہ، سپاہی فرحان اتے 5 جنوری کوں ٹانک اچ شہید تھیوݨ آلیاں دے ٹبر نال افسوس کیتا۔ انہاں سپاہی شعیب حسن اتے سپاہی فرید اللہ سودھا کیچ بلوچستان اچ شہید تھیوݨ آلے لانس نائیک منظور عباس اتے سپاہی عبدالفتح دے ورثا کوں پرچاوݨی ݙتی۔ صدر مملکت ڈیرہ اسماعیل خان دھماکے اچ شہید تھیوݨ آلے سپاہی الیاس دے ورثا کوں وی پرچایا۔
