بخارسٹ۔10جنوری(اے پی پی)پاکستان اتے رومانیہ ݙوطرفہ تجارتی و اقتصادی روابط ٻئے ودھاوݨ تے اتفاق کیتے۔ اے اتفاق بخارست اچ وزیر خارجہ مخدوم شاہ محمود قریشی اتے رومانیہ دے وزیر اقتصادیات فلورین سپاتارو دی مالقات اچ تھئے جتھاں رومانیہ اچ پاکستان دے سفیر ڈاکٹر ظفر اقبال وی موجود ہن۔ انہاں ݙو طرفہ اتے یورپی یونین دی سطح تے تعلقات، تجارتی و اقتصادی شعبیاں اچ ڳانݙھا ودھاوݨ سودھا باہمی دلچسپی دے معاملیاں تے الایا۔ انہاں ݙوہاں ملکاں وچال چیلنجز دے باوجود تجارتی حجم اتے برآمدات ودھݨ تے اطمینان کیتا۔ وزیر خارجہ اہم علاقائی و بین الاقوامی امور سودھا بھارت ولوں مقبوضہ جموں و کشمیر اچ انسانی حقوق دی بدترین صورتحال، افغانستان اچ حالات سدھارݨ کیتے پاکستان دیاں کوششاں ݙسایا۔ وزیر اقتصادیات فلورین سپاتارو افغانستان توں رومانیہ دے شہریاں کوں کݙھݨ کیتے پاکستان دے کردار دی تعریف کیتی۔
