راولپنڈی۔11جنوری (اے پی پی) وفاقی وزیر ریلوے اعظم خان سواتی آکھیا جو تریمتیں انٹرپرینیورز معاشی ترقی اچ اہم کردار ادا کریندی پئن، تریمتیں کوں قومی دھارے اچ ڳھن آوݨ حکومت دی پہلی ترجیح اے، ملکی معیشت دی ترقی کیتے تریمتیں کوں بااختیار ٻݨاوݨ دے اہم اقدامات تھیندے پئن، پاکستان ریلویز کوں خسارے توں کݙھ تے منافع بخش قومی اداریاں دی پہلی صف اچ رلیسوں۔ اے ڳالھیں انہاں منگل کوں راولپنڈی چیمبر آف کامرس ولوں انٹرنیشنل چیمبرز سمٹ 2022 دے موقع تے پنجویں آل پاکستان ویمن بزنس کنونشن توں خطاب کریندیں ہوئیں آکھی۔ ایں موقع تے صدر چیمبر ندیم روف گروپ لیڈر سہیل الطاف نائب صدر طلعت اعوان سابق صدور اسد مشہدی، شاہد سلیم، ایگزیکٹو ممبران، خواتین ممبران اتے پورے ملک توں ویمن چیمبرز دی صدور موجود ہن۔
