اقوام متحدہ۔12جنوری (اے پی پی):عالمی ادارہ صحت دے کورونا ویکسین دی تیاری دے حوالے نال گزریل سال ستمبر اچ قائم کیتے ڳئے ٹیکنیکل ایڈوائزری گروپ خبردار کیتے جو کورونا وائرس دے ویرینٹ اومیکرون اتے مستقبل اچ نویں آوݨ آلے ٻئے ویرینٹس دے خلاف موجودہ ویکسینز دی مسلسل افادیت کوں یقینی بݨاوݨ کیتے انہاں کوں اپ ݙیٹ کرݨ دی لوڑھ تھی سڳدی اے ۔ عالمی ادارہ صحت دےٹیکنیکل ایڈوائزری گروپ دے ماہرین بیان اچ اومیکرون دے تکھے کھنڈݨ پاروں عالمی سطح تے ویکسین دی وختی تے وسیع بنیاداں تے رسائی تے زور ݙتے ۔ گروپ دے ماہرین آکھیے جو انفیکشن توں تحفظ، منتقلی کوں روکݨ ، شدید بیماری اتے ہلاکت کوں روکݨ کیتے زیادہ موثر ویکسین دی لوڑھ اےاتے انہاں کوں تیار کیتا ونڄݨا چاہیدے جݙاں جو ویکسینز دے گردش کرݨ آلے مختلف ویرینٹس کوں جنیاتی اتے اینٹی جینیاتی طورتے دبائو تے مبنی بݨاوݨ دی لوڑھ اے ڄݙاں تئیں ایجھی ویکسینز دستیاب نی تھیندیاں موجودہ کورونا ویکسینز کوں اپ ڈیٹ کرݨ دی لوڑھ پئے سڳدی اے تاں جو کورونا ویکسین عالمی ادارہ صحت دی تجویز کیتی ڳئی سطح کوں انفیکشن دے خلاف تحفظ ݙیندی اے ۔
