راولپنڈی۔12جنوری (اے پی پی):مشیر تجارت و سرمایہ کاری رزاق داؤد آکھیے جو جولائی توں دسمبر ایکسپورٹس اعدادو شمار کافی حوصلہ افزاءہن تے پندرہ ارب ڈالر توں ودھ دی برآمدات تھئن ،ازبکستان دے نال ٹی آئی آر ایگریمنٹ تھی چکئے ہݨ ازبکستان توں ٹرک براہ راست پاکستان پڄ سڳسن ۔ اے ڳال انہاں ٻدھ کوں راولپنڈی چیمبر آف کامرس دے زیر اہتمام انٹرنیشنل چیمبرزسمٹ 2022دے موقع تے ملک توں آئے ہوئے چیمبرز صدور نال خطاب کریندے ہوئیں آکھی اے ، انہاں آکھیے جو علاقائی تجارت کو ودھارا ݙے تے ہی اقتصادی ترقی مستحکم کیتی ونڄ سڳدی اے ،سنٹرل ایشیاء اہم مارکیٹ اے،ساݙی ایکسپورٹس اچ ٹیکسٹائل دا شیئر 60فیصد اے اساکوں باقی شعبیں خاص طور تے فارما سوٹیکل، ایگری پروڈکٹس انجنیئرنگ،اتے آئی ٹی تے وی توجہ ݙے تے انہاں دی ملکی ایکسپورٹ اچ شیئر ودھاوݨا ہوسی ۔
