لاہور۔12جنوری (اے پی پی):گورنر پنجاب چوہدری محمد سرور نال وزیر اعلیٰ پنجاب سردار عثمان بزدار ملاقات کیتی جیندے وچ صوبے دی عوامی ترقی اتے خوشحالی دے منصوبیں دی رفتار کوں مزید تکھا کرݨ دا فیصلہ کیتا ڳئے ، تفصیل موجب گورنرپنجاب چوہدری محمدسرور نال وزیر اعلیٰ پنجاب سردار عثمان بزدار گورنر ہاؤس لاہور اچ ملاقات کیتی جیں دوران پنجاب اچ انصاف صحت کارڈ دی فراہمی ،مختلف شعبیں اچ جاری ترقیاتی منصوبے اتے عوام کوں ریلیف سودھے ٻئے امور بارے مشاورت کیتی ڳئی ۔ گورنر پنجاب صوبے اچ صحت انصاف کارڈ دی فراہمی کیتے وزیر اعلیٰ ٰپنجاب سردار عثمان بزدار دیاں کوششاں دی تعریف کیتی اتے وزیر اعلیٰ پنجاب چوہدری محمدسرور کوں سانحہ مری دے بعد کیتے ونڄݨ آلے اقدامات بارے ݙسایا ۔ملاقات دے دوران گال مہاڑ اچ گورنر پنجاب چوہدری محمدسرور آکھیے وج موجودہ حکومت صحت اتے تعلیم سودھے ٻئے شعبیں اچ مثالی اقدامات کرتے ثابت کرݙتے جو او موجودہ حکومت دا مشن صرف تے صرف عوام کوں مضبوط اتے خوشحال بݨاوݨا اے جیں کیتے 24گھنٹے کم کیتا ویندا پئے ۔
