اسلام آباد۔13جنوری (اے پی پی) وفاقی وزیر توانائی حماد اظہر آکھیا جو خیبرپختونخوا توں ملکی گیس دا 12 توں 13 فیصد پیدا تھیندے، کابینہ دے فیصلے دی روشنی اچ طلب اتے رسد اچ فرق پاروں سی این جی کوں گیس دی سپلائی معطل کر تے گھریلو صارفین کوں ݙتی ویندی اے، خیبرپختونخوا اچ سردیاں اچ 350 ملین مکعب کیوبک فٹ یومیہ گیس دی ڈیمانڈ اے۔ خمیس کوں قومی اسبلی اچ عوامی نیشنل پارٹی دے رکن امیر حیدر خان ہوتی آکھیا جو گیس دی لوڈ شیڈنگ پاروں خیبرپختونخوا اچ گھریلو صارفین کوں ٻہوں اوکھ اے۔ آرٹیکل 158 دے تحت جیڑھے علاقے توں گیس نکلدی اے اونکوں گیس دی فراہمی ضروری اے۔ ایں تے عمل کیتا ونڄے۔ اوندے ولدے اچ حماد اظہر آکھیا جو جو خیبرپختونخوا توں ملکی گیس دا 12 توں 13 فیصد پیدا تھیندے، کابینہ دے فیصلے دی روشنی اچ طلب اتے رسد اچ فرق پاروں سی این جی کوں گیس دی سپلائی معطل کر تے گھریلو صارفین کوں ݙتی ویندی اے۔
