نیو یارک ۔14جنوری (اے پی پی):اقوام متحدہ دے سیکرٹری جنرل انتو گوٹیرس عالمی برادری توں لکھاں افغانیاں کوں مزید مصائب توں بچاوݨ کیتے وختی اقدامات دا مطالبہ کیتے ، انہاں ھک پریس کانفرنس دے دوران آکھیے جو اساکوں سماجی اتے معاشی تباہی کوں روکݨ تے لکھاں افغانیاں کوں مزید مصائب توں بچاوݨ کیتے فوری حل تلاش کرݨ دی لوڑھ اے ، انہاں آکھیے جو افغانستان دی صورتحال مزید خراب تھی ڳئی اے ۔ اقوام متحدہ امریکہ اتے عالمی بینک تے زور ݙتے جو او افغان فنڈزکوں غیرمنجمد کرن جیڑھے جو طالبان دی اقتداراچ واپسی دے بعد بند ہن تاں جو افغانستان اچ آوݨ آلے مصائب کوں روکیا ونڄ سڳے ۔ انہاں مزید آکھیے جو ایندے اچ امریکہ ٻہوں اہم اے کیوں جو دنیا دا زیادہ تر مالیاتی نظام ڈالر اچ چلدے ۔ انہاں آکھیے جو امریکہ تے دنیا دے کئی ݙوجھے ملکاں اچ فنڈز دا چنڳاں خاصاحجم اے ۔
