اوآئی سی دی قائمہ کمیٹی سائنس تے ٹیکنالوجی دا سیکرٹریٹ پاکستان اچ رہسے ، سارے امور اتھائیں طے تھیسن، سرتاج عزیز

اسلام آباد ۔ 17 مئی (اے پی پی) وزیر اعظم دے مشیر خارجہ امور سرتاج عزیز آکھیا ہے جو جدہ اچ او آئی سی دے اجلاس اچ فیصلہ تھیا ہا جو او آئی سی دی قائمہ کمیٹی سائنس و ٹیکنالوجی دا آئندہ اجلاس قزاخستان اچ تھیسی‘ ایندا سیکرٹریٹ پاکستان اچ رہسی سارے امور اتھائیں طے تھیسن ،کمیٹی دے اجلاس دا فالو اپ پاکستان اچ تھیسی ۔منگل کوں قومی اسمبلی دے اجلاس دے دوران نعیمہ کشور خان دے او آئی سی دی قائمہ کمیٹی سائنس و ٹیکنالوجی دے اجلاس دے پاکستان دی بجائے قزاخستان اچ انعقاد دے حوالے نال وزیراعظم دے مشیر خارجہ سرتاج عزیز جواب ڈیندے ہوئیں آکھیا جو اے کمیٹی 1981اچ بنڑی ہئی ۔اے پہلا اجلاس کائنی ایں توں پہلے 14 اجلاس تھی گے ہن۔ 2013اچ قاہرہ اچ تھیونڑ آلے سمٹ اچ ایں اجلاس دے انعقاد دا فیصلہ تھیا ہا ۔ایں کمیٹی دی کورآرڈینیٹر جنرل دی سیٹ ڈو سال توں خالی ہئی ۔ہنڑ ایندے کوآرڈینیٹر جنرل تعینات تھی گے ہن ۔جدہ اچ او آئی سی دے اجلاس اچ فیصلہ تھیا ہا جو کمیٹی دا آئندہ اجلاس قزاخستان اچ تھیسی ۔ایندا سیکر ٹریٹ پاکستان اچ رہسی اتے سارے امور اتھائیں طے تھیسن ۔