ملتان۔19جنوری(اے پی پی) مہاندرے شاعر، ماہرتعلیم پروفیسر ڈاکٹر عاصی کرنالی دا 11 واں ورھیݨا خمیس کوں منیسی۔ انہاں دا اصل ناں محمد شریف ہا جیڑھے 2 جنوری1927 کوں کرنال اچ ڄمیے ہن اتے 20 جنوری 2011 کوں ملتان اچ فوت تھئے ہن۔ او پاکستان ٻݨم ویلھے کرنال توں ہجرت کر تے ملتان آ ڳئے ہن۔ انہاں اردو اتے فارسی اچ ایم اے کیتی اتے” اردو حمدونعت تے فارسی شعری روایت دا اثر “ مقالہ لکھیا جیندے تے انہاں کوں ڈاکٹریٹ دی ڈگری ملی۔ عاصی کرنالی 17 کتاباں لکھین، جیندے اچ حمد ونعت، غزل، منقبت، تنقید، مزاح، افسانے اتے طنزومزاح شامل ہین۔ انہاں دے نعتیہ مجموعہ کلام تے صدارتی ایوارڈ ݙتا ڳیا۔
