اسلام آباد۔21جنوری(اے پی پی)وزیر مملکت اطلاعات و نشریات فرخ حبیب آکھیے جو پچھلے 3 سال اچ جی ڈی پی اچ 5.37 فیصد نمو حکومت دی کامیاب حکمت عملی دا ثبوت اے، وزیراعظم عمران خان دی اڳواݨی اچ معاشی ٹیم دی ملکی معیشت کوں تکڑا کرݨ دیاں کوششاں رنگ لینداں پن۔ ہک بیان اچ انہاں آکھیا جو ماضی دی حکومتاں دی کرپشن، منی لانڈرنگ، جعلی اکائونٹس نال ملک ݙیوالہ تھیوݨ دی کندھی تے ہا، پچھلی حکومت شرح نمو ودھاوݨ کیتے 7 ارب ڈالرز دے قرضے ڳھدے ہن۔ وزیر مملکت آکھیا جو ساݙی حکومت شرح نمو مصنوعی نئیں ودھائی۔
