اسلام آباد۔22جنوری(اے پی پی) پاکستان بحیرہ عرب چیمپئن شپ دا ٹائٹل اپݨے ناں کر ڳھدے۔ میچ اچ پاکستانی باکسر چنڳاں کھیݙ ݙکھیندے ہوئے حریف افغانی باکسر آغاسمیر کوں پنڄویں رائونڈ اچ ناک آئوٹ کرݙتے۔ اسلام آباد اچ ورلڈ باکسنگ کونسل عریبین سی ٹائٹل فائٹ اچ پاکستان دے مظفرخان اتے افغانستان دے باکسر آغا سمیر دا مقابلہ ہا۔ پاکستانی باکسر مظفرخان سوحݨا کھیݙ ݙکھیندے حریف باکسر تے مکے مار مار تے نڈھال کر ݙتے اتے میچ دے پنڄویں رائونݙ اچ حریف باکسر کوں ناک آئوٹ کر تے چت کریندے ہوئے ٹائٹل اپݨے ناویں کیتے۔اے فائٹ پاکستان پروفیشنل باکسنگ لیگ دے تحت کھیݙی گئی۔
