مشیر تجارت عبدالرزاق داؤد نال سری لنکن وزیر تجارت دی ملاقات

اسلام آباد۔26جنوری(اے پی پی)وزیراعظم دے مشیر برائے تجارت عبدالرزاق داؤد نال سری لنکن وزیر تجارت بندولا گنا وردھانا ملین۔ ملاقات اچ سری لنکن وزیر مملکت برائے تجارت تھاراکا بلا سوریا وی موجود ہن۔ انہاں تجارتی کانفرنس تے اعتماد کریندے ݙوہاں ملکاں دی تاجر برادری وچال تعلقات ٻئے تکڑے کرݨ اتے اکروباری ساڄھے داری ودھاوݨ تے اتفاق کیتا۔ سری لنکن وزیر پاکستان نال آئی سی ٹی، فارماسوٹیکلز، معدنیات اتے ٹیکسٹائل دے شعبے اچ تعاون ودھاوݨ سودھا مختلف شعبیاں اچ جوائنٹ وینچرز، سرمایہ کاری اتے ٹیکنالوجی دے تبادلہ اچ دلچسپی ݙکھائی۔ وفد وزیر اعظم پاکستان دی خصوصی ہدایت تے ٹیکسلا میوزیم اتے ہری پور دا وی دورہ کیتا۔