تحریر: چائو ژن
ترجمہ: محمد جنید ملک
چین دے شہر بیجنگ دے نیشنل اسٹیڈیم (برڈز نیسٹ) میں 2022 بیجنگ سرمائی اولمپک گیمز (بیجنگ 2022) کی افتتاحی تقریب کیتے ڈریس ریہرسل اچ سوھݨی آتش بازی اتے پروموشن گیت “سانڄھے مستقطل کیتے کٹھے ٹروں” اتے “اساں ساریاں کوں پیار دی لوڑھ اے نال تھئی۔ اولمپک چارٹر، اولمپک موومنٹ دا بݨیادی جزو اے جیندا مقصد کھیݙ کوں انسانیت دی ہم آہنگی، پرامن معاشرے کوں ودھاوں اتے انسانی وقار دا تحفظ۔ اے۔ بیجنگ سرمائی اولمپکس اتے پیرا لمپکس دی افتتاحی و اختتامی تقریباں دے چیف ڈائریکٹر ژانگ یمو انکشاف کیتے جو افتتاحی تقریب کیتے سامعین سانڳے کوئی وسیلہ کائنی، ایں سانڳے ڳھٹ بجٹ اچ انتظامات کیتے ڳین۔ کرونا پورے ڄڳ کوں متاثر کیتے، معایشت اتے جان و مال دے خطرے دے باوجود چین دے “متحرک زیرو کیس” پالیسی نال لوکاں دی صحت دے تحفظ، وبا روکݨ اتے ایندے کیتے باقاعدہ اقدامات کامیاب رہین، اتےا ساں اوکھ دے باوجود سرمائی اولمپکس دیاں تیاریاں وی جاری رکھین، بیجنگ سرمائی اولمپکس 2022 کھلاڑیاں کوں اعلیٰ سطح دے مقابلے، ضروری خدمات اتے تعاون ݙے تے چنڳاں مسابقتی ماحول ݙیوݨ اچ ردھا ہوئے، جیندے کیتے گرین، سانڄھے، کھلے اتے صاف” پالیسی نال کھلاڑیاں کوں اعلیٰ معیار دی رہائش، کیٹرنگ، طبی ݙیکھ بھال، نقل و حمل، فٹنس دا سامان، تفریحی اختیارات، کاروباری سہولیات اتے ٻیاں خدمتاں ݙیوݨ دی چنڳی مہمان نوازی کیتی ویسی۔ چنڳی مہمان نوازی کیتے ایتھلیٹس دا “ہوم بیس” اولمپکس ولیج پورے ڄڳ دے کھانے ݙیسی جیندے اچ ہر قوم، مذہب دے منݨ آلیاں اتے پسند ناپسند دا خیال رکھیا ڳئے۔ کھلاڑیاں ہی نئیں مقامی لوکاں دی سیکورٹی کیتے وی ” ہک محفوظ لوپ” ترتیب ݙتے۔ بیجنگ 2022 دیاں ساریاں ڄاہیں، ݙوہاں نویں اتے تجدید شدہ، کاربن دے اخراج کوں ڳھٹاوݨ کیتے ٻݨائے ڳین۔ نیشنل اسپیڈ اسکیٹنگ ایرینا اتے ووکیسونگ اسپورٹس سینٹر، ٻیاں سودھا سرمائی کھیݙاں اچ کاربن ڈائی آکسائیڈ ٹرانسکریٹیکل ڈائریکٹ کولنگ آئس میکنگ سسٹم لیندے پین جیندے نال خالص صفر تئیں کاربن دے اخراج اتے برف ٻݨاوݨ دے قابل ٻݨیدے، ڄیڑھی گرین پاور، بشمول ہوا، ہائیڈرو الیکٹرک، سولر، تریٖ مسابقتی زوناں دے 26 اسٹیڈیمز اچ استعمال تھیندی اے تاں جو اسٹیڈیمز کوں 100 فیصد گرین پاور سپلائی ملے۔ آئی او سی کوآرڈینیشن کمیشن برائے بیجنگ 2022 دے چیئرمین جوآن انتونیو سمارنچ جونیئر بیجنگ آرگنائزنگ کمیٹی دے پائیداری کوں ودھاوݨ تے خوش تھیندے آکھیے جو بیجنگ 2022 ہک اینڄھا موقع ہوسی جیڑھا IOC دے “اولمپک ایجنڈا 2020” اتے اقوام متحدہ دے پائیدار ترقی اہداف سانڳے مطمئن کریسی۔ انہاں آکھیا جو کھیݙان دے میدان اچ چین اپݨی دھاک ٻلھاوݨ دے خواب کوں پورا کریندا پئے، بیجنگ انھالے اتے سیالے دیاں اولپمک کھیݙاں دی میزبانی کرݨ آلا ڄڳ دا پہلا شہر اے جئیں ہک سڈی پہلے دے چین دے اڳو تے ودھݨ دے سوالاں کوں اڳو تے ٹوریے، بیجنگ سرمائی اولمپکس دا ہر پیر بین الاقوامی برادری نال چین دا عزم ݙسیندے، چین بیجنگ 2022 دے 24 ویں سرمائی اولمپکس دی میزبانی دی ٻولی جیتݨ دے بعد صرف 3 مہینے اچ بیجنگ سرمائی اولمپکس دی آرگنائزنگ کمیٹی ٻݨائی اے، جیڑھی 6 مہینے اچ شوگانگ انڈسٹریل پارک اچ آباد تھئی اے، ایں سانڳے کئی میگا پروجیکت شروع تھین اتے جولائی 2021 اچ ٻہوں ڳھٹ ویلھے اچ بیجنگ سرمائی اولمپکس ولیج مکمل کیتا ڳئے۔ بیجنگ 2022 تیاری کیتے چینی نقطہ نظر اتے چینی دانشمندی دی اپݨی تشریح نال چینی رستے کوں ڄڳ نال ونݙیے۔
