تحریر: چائو ژن
ترجمہ: محمد نعیم خان
کورونا دی وبائی امراض دے باوجود بیجنگ سرمائی اولمپک کھیݙاں دی تیاریاں، جیڑھی جو چار فروری کوں شروع تھیندی پئی اے، سوھݨے انداز اچ تھیندیاں پئن۔ چین 2015 ء اچ سرمائی کھیݙاں کیتے آپݨٰی ٻولی پیش کریندیں ہوئیں آپݨے وعدے پورے کیتن۔ بیجنگ پہلے ای جڳ توں آوݨ آلے مزماناں دے استقبال کیتے آپݨی ٻانھیں کھول ݙتن اتے او سوھݨٰی اتے من موھݨی کھیݙاں پیش کرݨ کیتے تیار اے تانجو دنیا کوں وبائی امراض نال نبڑݨ دی امید ݙوائی ونڄ سڳے۔
ایشیا دی سانڄھ
جݙاں ݙوجھی اولمپک سرمائی کھیݙاں دی میزبانی سوئٹزرلینڈ دے الپائن ریزورٹ ٹاؤن سینٹ مورٹز اچ تھئی تاں جاپان چھی کھݙاریاں دا ہک وفد بھیجیا، جیڑھا جو سرمائی اولمپکس اچ حصہ گھنݨ آلا پہلا ایشیائی ملک ٻݨ ڳیا۔ سرمائی اولمپکس اچ چین دی پہلی شرکت 1980 اچ تھئی ہئی۔ ایں سال جݙاں ملک بین الاقوامی اولمپک کمیٹی (IOC) اچ آپݨٰی ڄاہ ولا ڳھدی ہئی۔ چین 1992 اچ 16ویں سرمائی اولمپک سرمائی کھیݙاں اچ آپݨا پہلا سرمائی تمغہ جتیا اتے 2022 اچ 19 ویں اولمپک سرمائی کھیݙاں اچ آپݨا پہلا سرمائی اولمپک طلائی تمغہ حاصل کیتا۔ اڄ ایشیائی ملکاں دی ودھدی ہوئی تعداد سرمائی اولمپکس اچ وفد بھجیندی پئی اے اتے کئی کھݙاری تمغے دے مضبوط حریف ٻݨ ڳئن۔ ہݨ تئیں دنیا دے 20 شہراں سرمائی اولمپکس دی میزبانی کیتی اے۔
کھیݙاں نال یاری اچ ودھارا
چین بین الاقوامی کھیݙاں دے مقابلے اچ سرگرم عمل اے اتے اوں دنیا دے ملک خصوصی طور آپݨے ہمسایاں نال یاری ودھائی اے۔
بیجنگ 2022 کیتے پرجوش توقع اے جینویں بیجنگ 2022 دے سرمائی اولمپکس کھیݙ نیڑے امدے پئن۔ ہمسایہ ملکاں دے سربراہان بشمول منگولیا دے وزیر اعظم لووسنامسرائی اویون ایرڈین اتے پاکستانی وزیر اعظم عمران خان انہاں دی تصدیق کیتی اے۔ افتتاحی تقریب اچ شرکت نال مختلف ملکاں دی حکومتاں اتے اولمپک کھیݙاں دے عہدیداراں “ایک ساتھ” دے اولمپک دے نعرے وی وضاحت کریندیں ہوئیں ایونٹ کیتے نیک خواہشات دا اظہار کیتے۔ 14 جنوری کوں چینی میڈیا نال ہک سانجھے انٹرویو اچ پاکستان دے صدر ڈاکٹر عارف علوی سرمائی اولمپکس دی تیاری کیتے چین دی کوششاں دی تعریف کیتی اے۔ چینی وزارت خارجہ دے ترجمان وانگ یی دے مطابق ہک باقاعدہ پریس کانفرنس اچ صدر شی دے اڄوکے معائنہ دے دورے توں نشابر تھیے جو چین تیاریاں کوں ترجیح ݙتی اے اتے عالمی برادری کوں ترائے اہم سنیھے بھجوائن، پہلا چین آپݨے عزم دا احترام کریندے۔ ݙوجھا چین تیار اے۔ تریجھا چین وبائی امراض اچ اولمپک کھیݙاں کوں محفوظ طریقے نال اتے کامیابی نال کراݨ دی صلاحیت تے پورا اعتماد کریندے۔
