جنیوا۔2فروری (اے پی پی):عالمی ادارہ صحت آکھیے جو کورونا وائرس دے خلاف جت دا اعلان یا وبا کوں روکݨ دی غرض توں جاری کوششاں کوں روک ݙیوݨ قبل از وقت اے۔سعودی ذرائع ابلاغ ڈبلیو ایچ او دے سربراہ ٹیڈروس ادہانوم دے حوالے ںال ݙسائے جو کورونا وائرس خطرناک اے اتے ساݙیاں اکھیں دے سامݨے ایندے اچ تبدیلیاں تھیندیاں پئن ۔انہاں تشویش دا اظہار کریندے ہوئیں آکھیے جو کجھ ملکاں دا اے خیال اے جو ویکسین دی موجودگی تے اومی کرون دے تکھے کھنڈݨ دے باوجود ایندی گھٹ شدت پاروں اینکوں روکݨ ناممکن اے لہٰذا روکݨ دی مزید لوڑھ کائنی ۔انہاں چتوائے جو کورونا وائرس دے کھنڈݨ دا مطلب مزید ہلاکتاں ہن ۔انہاں آکھیے 10 ہفتے پہلے اومی کرون وائرس دے جنوبی افریقا اچ سامݨے آوݨ تعں بعد ہݨ تئیں 9کروڑ کیسز ڈبلیو ایچ او کوں رپورٹ تھی چکئن جیڑھے جو سال 2020 دے دوران رپورٹ تھیوݨ آلے کیسز توں ودھ ہن ۔
