اسلام آباد۔2فروری(اے پی پی)وزیراعظم دے نمائندہ خصوصی برائے بین المذاہب ہم آہنگی و مشرق وسطی حافظ طاہر محمود اشرفی آکھیے جو پاک سعودی عرب تعلقات ہر ݙینھ ٻئے تکڑے تھیندے پن، سعودی عرب اتے متحدہ عرب امارات تے حوثی باغیاں دے حملے قابل مذمت ہین، سعودی وزیر داخلہ دے آوݨ نال پاک سعودی عرب تعلقات ٻئے تکڑے تھیسن۔ اے ڳالھ انہاں اسلام آباد اچ سعودی عرب دے سفیر نواف سعید المالکی نال ملݨ توں بعد آکھی جو عالم اسلام اتے مسلماناں دے مسائل تے پاکستان اتے سعودی عرب دا موقف ہک اے، سعودی عرب دے وزیر داخلہ دے آوݨ نال ٻہوں سارے معاملیاں کوں حل کرݨ اچ مدد ملسی۔
