لاہور۔3فروری (اے پی پی) صدر مملکت ڈاکٹر عارف علوی آکھیا جو ورچوئل یونیورسٹی ڈیجیٹل پاکستان ٻݨاوݨ اچ اہم کردار ادا کریندی پئی اے، اساکوں آئی ٹی اتے آرٹیفیشل انٹیلیجنس دی بنیادی تعلیم تے فوکس کرݨا چاہیدے۔ سائبر سکیورٹی آوݨ آلے ویلھے اچ اہم اے اتے ایں نال جڑے ہر شعبے اچ ٻہوں پوٹینشل اے۔ زمانہ جتنا تکھے بدلدا پئے اساکوں ویلھے نال چلݨا پوسی اتے آوݨ آلے دور کیتے خود کوں تیار کرݨا پوسی۔ ایں ویلھے نو فیصد طلبہ گویجوایشن اچ داخلہ ڳھندن جیڑھا جو ٻہوں ڳھٹ اے اتے اینکوں ودھاوݨ کیتے کم کرݨا پوسی۔ او خمیس کوں ورچوئل یونیورسٹی اتے اس میں ایل ایم ایس مینجمنٹ،آ ئی سی ٹی انفراسٹرکچر اتے پروڈکشن ہا ئوس کیتے جدید ترین سہولت دے دورے دے بعد فیکلٹی ممبران اتے طلبا نال خطاب کریندے پئے ہن۔ ریکٹر ورچوئل یونیورسٹی آف پاکستان پروفیسر ڈاکٹر ارشد سلیم بھٹی وی ایں موقع تے موجود ہن۔ ریکٹر ورچوئل یونیورسٹی صدرمملکت کوں تفصیلی بریفنگ وی ݙتی۔
