اسلام آباد۔7فروری(اے پی پی)وفاقی وزیر برائے صنعت و پیداوار مخدوم خسرو بختیار آکھیے جو حکومت اڄوکے انڈسٹریل اسٹیٹس اچ ایس ایم ایز کیتے 4200 ایکڑ اراضی پلگ اینڈ پلے سانڳے ݙتی ہئی، ہݨ صوبائی حکومتاں دے تعاون نال ایس ایم ایز کیتے انفراسٹرکچر ݙتا ویندا پئے۔ اے ڳالھ انہاں ایس ایم ای ڈویلپمنٹ سانڳے پری این سی سی (نیشنل کوآرڈینیشن کمیٹی) دے اجلاس دی اڳواݨی کریندے آکھی۔ انہاں ہدایت کیتی جو سیکریٹری صنعت و پیداوار اتے سمیڈا متعلقہ حکام نال رل تے ایس ایم ای انڈسٹریل اسٹیٹس سانڳے قابل عمل ماڈل ݙیون۔ اجلاس اچ پنجاب دے وزیر خزانہ مخدوم ہاشم جواں بخت، چیف سیکرٹری پنجاب کامران افضل، سی ای او سمیڈا ہاشم رضا اتے پنجاب دے متعلقہ صوبائی سیکرٹریز شرکت کیتی۔ وفاقی سیکرٹری صنعت و پیداوار اتے وزارت دے سینئر افسران ویڈیو لنک تے شریک ہن۔ اجلاس اچ نیشنل ایس ایم ای پالیسی دے تحت چھوٹے و درمیانے کاروبار کوں زمین دی الاٹمنٹ بارے نفاذ دے منصوبے تے غور تھیا۔ انہاں آکھیا جو مجوزہ ماڈل ایس ایم ای کلسٹرز دی لوڑھ سانڳے بنیادی ڈھانچے دی فیصلہ سازی کیتے مرکزی منصوبہ بندی دا آلہ ہوسی، وفاقی حکومت ملک اچ ایس ایم ایز دی مضبوط ترقی کیتے ایس ایم ایز زونز کوں تکڑا کرݨ لو صوبائی حکومتاں دا ہتھ ونݙیسی۔
