ملتان۔9فروری(اے پی پی)سرائیکی دے مہاندرے شاعر احمد خان طارق کوں منہ موڑیے 5 سال لنڳھ ڳین۔ مہاندرے سرائیکی شاعر احمد خان طارق دا 5 واں ورھیݨا 10 فروری کوں منایا ویسی۔ او 1924 اچ ڈیرہ غازی خان دے علاقے شاہ صدر دین دی وستی اچ ڄمیے ہن ڄئیں تیکھے شاعری اچ ڄاہ ٻݨا ڳھدی ہئی۔ احمد خان طارق کوں سرائیکی ݙوہڑے اچ ملکہ ہا، سرائیکی خطے دی ثقافت و معاشرت انہاں دی شاعری دی سنڄاݨ ہئی۔ انہاں کئی گیت اتے غزلاں وی لکھین اتے انہاں دے 7 شعری مجموعے چھپین۔ او 10 فروری 2017 اچ فوت تھئے ہن۔
