ملتان۔9فروری (اے پی پی):ایڈیشنل چیف سیکرٹری سائوتھ پنجاب کیپٹن (ر )ثاقب ظفر آکھیے جو خصوصی لوکاں دے حقوق دا تحفظ ساݙی قانونی ذمہ واری اے۔انہاں یقین ݙیوائے جو جنوبی پنجاب اچ آسامیاں تے بھرتی کیتے خصوصی لوکاں کیتے مختص کوٹے تے عمل کرایا ویسی ، اے ڳال انہاں آپݨے دفتر اچ سپیشل پرسنز تے مشتمل وفد نال ملاقات اچ آکھی اے ۔ وفد اچ مین سٹریم ایسوسی ایشن آف پرسنز ود ڈس ایبلٹی دے عہدیداران شامل ہن۔ایڈیشنل چیف سیکرٹری ساوتھ پنجاب کیپٹن( ر) ثاقب ظفر مزید آکھیے جو زیر تعمیر جنوبی پنجاب سیکرٹریٹ سودھے ساریاں سرکاری عمارتاں اچ خصوصی لوکاں کیتے ریمپ تعمیر کرݨ دی ہدایت کیتی ڳئی اے تاں جو دفتر، ہسپتالاں تے ٻئی بلڈنگز اچ وہیل چئیرز دے ذریعے داخلے ویلھے مسئلے پیش نہ آون ، انہاں ݙسائے جو ملتان اچ پاکستان دا پہلا ٹرانس جینڈر سکول بݨایا ڳئے جیں دی بین الاقوامی سطح تے تعریف تھئی اے ، ۔ایڈیشنل چیف سیکرٹری ساؤتھ پنجاب کیپٹن( ر) ثاقب ظفر ݙسائے جو سپیشل پرسنز صلاحیتاں دے حوالے ںال نارمل پرسنز توں کہیں طور تے گھٹ کائنی ۔
