فیصل آباد۔9فروری (اے پی پی):وزیراعظم عمران خان دی صدارت اچ گوجرانوالہ ڈویژن توں تعلق رکھݨ آلے ارکان پارلیمنٹ دا اجلاس تھئے ۔اجلاس اچ ارکان قومی اسمبلی سید فیض الحسن شاہ، حاجی امتیاز احمد چوہدری، چوہدری شوکت علی بھٹی اتے وجیہ اکرم شرکت کیتی۔اجلاس اچ ارکان صوبائی اسمبلی سلیم سرور جوڑا، میاں محمد اختر حیات، چوہدری لیاقت علی، محمد ارشد چوہدری، محمد اخلاق، محمد طارق تارڑ، گلریز افضل گوندل اتے محمد احمد چٹھہ وی شریک تھئن ۔اجلاس اچ متعلقہ حلقیں دے سیاسی امور اتے ترقیاتی منصوبیں تے ڳال مہاڑ کیتی ڳئی اے ۔ وزیراعظم سارے منتخب نمائندیں کوں ہدایت کیتی جو او آپݨے آپݨے حلقیں اچ عوامی رابطہ مہم کوں تکھا کرن تے عوام تے مسئلے وختی حل کرݨ کیتے ضلعی انتظامیہ نال رل تے کم کرن ، وزیراعظم انہاں کوں آوݨ آلے بلدیاتی انتخابات اچ کامیابی کوں یقینی بݨاوݨ کیتے پارٹی کارکنان کوں متحرک کرݨ دی وی ہدایت کیتی ۔
