اسلام آباد۔10فروری (اے پی پی):صدر مملکت ڈاکٹر عارف علوی مختلف واقعات اچ شہید تھیوݨ آلے 18 سیکورٹی اہلکاراں دے لواحقین کوں ٹیلی فون کرتے شہداء دی عظیم قربانی تے انہاں کوں شاندار الفاظ اچ خراج عقیدت پیش کیتے۔ خمیس کوں ایوان صدر دے پریس ونگ توں جاری بیان موجب صدر مملکت حسب روایت شہداء دے لواحقین نال ٹیلی فونک رابطہ کیتے تے شہدا کوں خراج عقیدت پیش کیتے، انہاں شہداء دے درجات دی بلندی اتے وارثاں کیتے صبر دی دعا کیتی ۔ صدر مملکت آکھیے جو پوری قوم وطن دی خاطر جان دا نذرانہ پیش کرݨ آلیں دی احسان مند اے، پاکستانی قوم اپݨے شہداء دی عظیم قربانی تے فخر کریندی اے ۔ صدر ڈاکٹر عارف علوی 2 فروری کوں نوشکی اچ دہشت گرد حملے اچ شہید تھوݨ آلیں دے ورثاء نال ڳال کیتی ۔ صدر کیپٹن محمد بلال خالد، لانس نائیک عنایت اللہ اتے سپاہی وحید علی دے ورثاء نال اظہار تعزیت کیتی۔ انہاں 5 فروری کوں دہشت گرداں دے حملے اچ شہید تھیوݨ آلیں دے خاندان دے لوکاں نال وی رابطہ کیتے ۔ صدر مملکت سپاہی ساجد علی، سپاہی ناہید اقبال اتے سپاہی محمد ضیاء اللہ خان دے ورثاء ںال ڳال کیتی سپاہی محمد سمیر اتے سپاہی عجب نور دے خاندان دے لوکاں نال وی صدر مملکت اظہار افسوس کیتے۔ صدر مملکت 25 جنوری کوں ضلع کیچ اچ شہید تھیوݨ آلے 10 جواناں دے اہل خانہ ںال وی ڳال کیتی صدر نائیک وقاص احمد ، سپاہی ظفر اقبال ، سپاہی نوید غفور دے خاندان دے لوکاں نال اظہار افسوس کیتے۔ ڈاکٹر عارف علوی سپاہی عدنان مصطفیٰ ، زین علی ، محمد شہزاد حسین ، فرحان احسن طارق دے اہل خانہ نال رابطہ کیتے ۔ صدر مملکت سپاہی محبوب علی ، ارسلان منظور اتے محمد یاسر کوں وی خراج عقیدت پیش کیتا۔
