لاہور۔10فروری(اے پی پی)ترجمان پنجاب حکومت حسان خاور آکھیے جو حکومتی اتحادیاں دے انکار نال اپوزیشن دے ارمان ہنڄواں اچ ویہھ ڳین اتے خواب خیالاں دے محل اسریڄݨ توں پہلے ہی ہیٹھ آݙٹھن۔ ہک بیان اچ انہاں آکھیا جو کرپٹ اپوزیشن دے دے کیمپاں اچ مایوسی دے ڳھپ اندھارے وس پین ڄئیں ہر پاسو ناکامی، نامرادی اتے مایوسی دے بعد نویں راند ٻݨاوݨ دی کوشش کیتی اے، اپوزیشن 2023 دے الیکشن اچ ہرݨ دے ݙر توں کٹھی تھیندی پئی اے، انہاں کوں آندے انتخابات اچ ولا ہار ݙسدی پئی اے۔ حسان خاور آکھیا جو ن لیگ و پیپلزپارٹی ہکے سکے دے ݙو رخ ہین، ن لیگ کلرکاں، چپڑاسیاں تاں پیپلزپارٹی چھاٻے، فالودے آلیاں دے اکاؤنٹس بھرین، ݙوہائیں محل ٻݨآئݨ اتے اقتدار اچ انہاں دے ترکے کوں ترقی دے پر لڳدے رہین۔
