اپوزیشن کٹھی تھی تے وی وزیراعظم عمران خان دا مقابلہ نئیں کرسڳدی، اپوزیشن جماعتوں دا ہر شوشہ ناکام رہے، وزیراعلیٰ عثمان بزدار

لاہور۔10فروری(اے پی پی)وزیراعلیٰ عثمان بزدار آکھیے جو اپوزیشن کٹھی تھی تے وی وزیراعظم عمران خان دا مقابلہ نئیں کرسڳدی، اپوزیشن جماعتوں دا ہر شوشہ ناکام رہے۔ ہک بیان اچ انہاں آکھیا جو وزیراعظم عمران خان دی اڳواݨی اچ ملکی دولت لٹݨ آلیاں دے خلاف ڈٹ تے کھڑے ہیں، استعفاں، لانگ مارچ اتے عدم اعتماد دیاں ڳالھیں سݨ تے عوام اک تھی ڳین، اپوزیشن دی لیاقت ہی نئیں جو او لانگ مارچ کرے، استعفے ݙیوے اتے عدم اعتماد دی ہمت کرے، اے لوک صرف میݙیا اچ جیندا رہݨ چاہندن۔ انہاں آکھیا جو عوام ڄاݨ چکین جو اپوزیشن کولو فلاح عامہ دا کوئی ایجنڈا کائنی، قوم کل وی وزیراعظم عمران خان دے نال ہئی تے کل وی رہسی۔