اسلام آباد۔11فروری (اے پی پی) وزیر مملکت برائے پارلیمانی امور علی محمد خان آکھیا جو اڄوکی حکومت دے دور اچ افغانستان نال تجارت اچ ڳھٹ نی ودھ ڳئی اے۔ نواز شریف اتے زرداری نجی دوریاں تے سرکاری خزانے لٹیندے رہیے، وزیراعظم عمران خان شاہ خرچیاں کوں پسند نی کریندے۔ جمعے کوں سینیٹ دے اجلاس اچ سوالاں دے وقفے اچ سینیٹر مشتاق احمد اتے محسن عزیز دے سوال دے ولدے اچ انہاں آکھیا جو افغانستان اچ امن کیتے پاکستان دا اہم کردار اے، وزیراعظم عمران خان ہک وی نجی دورہ سرکاری خرچے تے نی کیتا ۔ انہاں آکھیا جو افغانستان اچ امن کیتے مذاکرات اچ پاکستان آپݨا کردار ادا کیتے۔ افغانستان بارے او آئی سی دی کانفرنس اساݙی خارجہ پالیسی دی کامیابی بارے ٻہوں اہم اے۔
