اقوام متحدہ ۔14فروری (اے پی پی) اقوام متحدہ اچ پاکستان دے مستقل مندوب منیر اکرم آکھیا جو بھارت دا مالی تعاون، سرپرستی اتے حمایت نال تھیوݨ آلی دہشت گردی دے حملے اساݙا سارا توں وݙا چیلنج ہن۔ انہاں آکھیا جو بھارت دہشت گردی توں متاثر نی بلکہ جنوبی ایشیا اچ دہشت گردی دی ماں اے۔ مختلف ملکاں دے مندوبین نال ملاقاتاں اچ انہاں نشابرکیتا جو بھارت بین الاقوامی برادری دے سامھے خود کوں دہشت گردی توں متاثر ملک دے طور پیش کرݨ دی کوشش کریندا پئے جئیں دا پاکستان موثر طریقے نال مقابلہ کیتے۔ انہاں آکھیا جو بھارت دا مالی تعاون، سرپرستی اتے حمایت نال تھیوݨ آلی دہشت گردی دے حملے اساݙا سارا توں وݙا چیلنج ہن۔ انہاں آکھیا جو بھارتی انٹیلی جنس ایجنسیاں دی فعال حمایت نال ٹی ٹی پی اتے جے یو اے دی دہشت گرد گروہ پاکستان اچ فوجی اتے شہری اہداف کوں سرحد پار توں کئی دہشت گرد حملیاں اچ نشانہ ٻݨائے۔ انہاں سلامتی کونسل دے اڄوکے اجلاس بارے ݙسیا جو جنوبی ایشیا اچ بھارت او ملک اے جتھاں ہک ایجھی پاپولسٹ حکومت موجود اے جئیں مذہبی استثنا اتے ٻئے مذہبی اتے اقلیتی برادریاں کیتے نفرت دے ایجنڈے دی بنیاد کوں چݨیے۔
