ایران دے وزیر داخلہ ڈاکٹراحمد وحیدی 9 رکنی وفد دے رلے نور خان ایئر بیس راولپنڈی پڄ ڳئن

اسلام آباد۔14فروری (اے پی پی):ایران دے وزیر داخلہ ڈاکٹراحمد وحیدی 9 رکنی وفد دے رلے نور خان ایئر بیس راولپنڈی پڄ ڳئن ۔سنوار کوں وزارت داخلہ توں جاری بیان موجب وزیر داخلہ شیخ رشید احمد پاکستان پڄݨ تے ایرانی ہم منصب دا استقبال کیتے،سیکرٹری داخلہ یوسف نسیم کھوکھر سودھے ٻئے حکام وی ایں موقع تے موجود ہن ۔ایرانی وزیر داخلہ اپݨے ھک ݙینھ دے دورہ پاکستان اچ اہم حکومتی شخصیات نال ملاقاتاں کریسن ۔ ڈاکٹر احمد وحیدی اڄ وزیراعظم پاکستان عمران خان نال ملاقات کریسن ، او آپݨے وفد دے رلے وزیر داخلہ شیخ رشیداحمد نال وی ملاقات کریسن ، ایں دوران پاک ایران بارڈمنیجمنٹ اتے قیدیاں دے تبادلے تے عملدرآمد دے حوالے نال ڳال مہاڑ تھیسی ۔