ڈیرہ اسماعیل خان ۔14فروری(اے پی پی)ڈیرہ اسماعیل خان سٹی کونسل دی میئر دی نشست کیتے تحریک انصاف دے امیدوار عمر امین گنڈاپور 63 ہزار 753 ووٹ ڳھن تے کامیاب تھی ڳین اتے جے یو آئی ف دے آڳواݨ مولانا فضل الرحمان کوں اپݨے ڳھر اچ ہار دا منہ ݙیکھݨا پئے اتے انہاں دے امیدوار محمد کفیل احمد نظامی 38 ہزار 891 ووٹ ڳھن سڳن۔ انتخابی عمل اچ ہک لکھ 53 ہزار ووٹر حصہ ڳھدے جیندے اچ ہزار 7 سو ووٹ مسترد تھین۔ سٹی کونسل ڈیرہ ون اچ ووٹ دا تناسب 45.57 فیصد رہے۔ پاکستان پیپلز پارٹی دے امیدوار سابق ڈپٹی سپیکر فیضل کریم خان کنڈی 32 ہزار 788 ووٹ نال تریڄھے، پاکستان تحریک لبیک دے امیدوار محمد شفیق الحئی 11 ہزار 665 ووٹ نال چوتھے، آزاد امیدوار محمد خالد خان اعوان ایڈووکیٹ 571 ووٹ نال پنڄویں نمبر تے رہین۔
