لاہور۔15فروری (اے پی پی):پاکستان سپر لیگ ( پی ایس ایل ) دی فرنچائز کراچی کنگز دے مایہ ناز سپنر عماد وسیم تے ضابطہ اخلاق دی خلاف ورزی تے جرمانہ لاݙتا ڳئے ۔قذافی سٹیڈیم لاہور اچ کھیݙیے ڳئے ایچ بی ایل پی ایس ایل 7 دے 21 ویں میچ اچ پی ایس ایل دے ضابطہ اخلاق دی خلاف ورزی کرݨ تے کراچی کنگز دے اسپنر عماد وسیم تے میچ فیس دا پنج فیصد جرمانہ لاݙتا ڳئے ۔میچ دے پہلے اوور اچ رحمان اللہ گرباز کوں آئوٹ کرتے نامناسب ردعمل ظاہر کرݨ تے عماد وسیم پی ایس ایل دے ضابطہ اخلاق دی شق 2.5 دے لیول ون دی خلاف ورزی دے مرتکب پاتے ڳئن ۔باؤ لر آپݨی غلطی دا اعتراف کریندے ہوئیں میچ ریفری رنجن مدوگالے دی طرفوں لاتے ڳئے جرمانے کوں قبول کیتے ۔
