غریب عوام کوں لٹ تے شہنشاہیت کرݨ آلے اڄ مفرور اشتہاری ہن، ناجائز ٹٻر دی دولت بچاوݨ کیتے سرٹیفائیڈ جعلساز جمہوریت دے بھاشن ݙیندی پئی اے، ڈاکٹر شہباز گِل

اسلام آباد۔17فروری (اے پی پی) وزیراعظم دے ترجمان تے معاون خصوصی برائے سیاسی ابلاغ ڈاکٹر شہباز گِل آکھیا جو غریب عوام کوں لٹ تے شہنشاہیت کرݨ آلے اڄ مفرور اشتہاری ہن، ناجائز ٹٻر دی دولت بچاوݨ کیتے سرٹیفائیڈ جعلساز جمہوریت دے بھاشن ݙیندی پئی اے۔ خمیس کوں مریم صفدر دے بیان دے ولدے اچ انہاں آکھیا جو غریب عوام کوں لٹ تے شہنشاہیت کرݨ آلے اج مفرور اشتہاری ہن۔ انہاں دے پیو کرپشن پاروں پورے جڳ اچ سݨجاݨیے ویندن۔ کرپشن کیتے ایوان کوں استعمال کرݨ آلے جمہوریت اتے جمہوری دی ڳالھ کریندیں ہوئیں شرم کرن۔ ڈاکٹر شہباز گِل آکھیا جو مریم دا بلوچستان اچ آرمی دے نینگراں دی شہادت کوں گھٹیا سیاست کیتے استعمال کرݨ شرم دی ڳالھ اے۔