اسلام آباد۔17فروری(اے پی پی)وفاقی وزیر اطلاعات و نشریات چوہدری فواد حسین آکھیے جو جہلم اچ بلدیاتی الیکشن پہلے مرحلے اچ تھیسن، جہلم دے عوام بلدیاتی الیکشن دی تیاری کرڳھنن، وزیراعظم عمران خان جہلم کوں للہ تا جہلم ڈوئل کیرج وے اتے کینال دا تحفہ ݙتے، ہݨ اسلام آباد کھاریاں موٹر وے دا ٹینڈر تھی چکیے جیڑھا وزیراعظم دا جہلم کیتے تریڄھا وݙا تحفہ اے۔ اے ڳالھ انہاں جہلم پریس کلب اچ الیندے آکھی۔ انہاں آکھیا جو تحریک انصاف جہلم توں بلدیاتی الیکشن اچ کلین سویپ کر تے وزیراعظم دے تحفیاں دا حق ادا کریسی، جہلم پریس کلب اچ ڈیجیٹل لیب اتے میڈیا ہال تیکھے مکمل تھی ویسی ڄݙاں جو جہلم دے صحافیاں کوں صحت کارڈ وی مل چکین، صحافیاں کوں وزیراعظم دی نیا پاکستان ہائوسنگ سکیم اچ سوکھے قرض وی ݙتے ویسن۔
