بل میلنڈا اینڈ گیٹس فائونڈیشن دے شریک چیئرمین بل گیٹس کیتے ہلال پاکستان ایوارڈ دا اعزاز

اسلام آباد۔17فروری(اے پی پی)صدر مملکت ڈاکٹر عارف علوی بل اینڈ میلنڈا گیٹس فائونڈیشن (بی ایم جی ایف) دے شریک چیئرمین بل گیٹس کوں پاکستان دے لوکاں کیتے خدمات خاص کر پولیو مکاوݨ سانڳے کوششاں تے ہلال پاکستان ایوارڈ ݙتے۔ ایں سانڳے ایوان صدر اچ ہک خصوصی تقریب تھئی جیندے اچ صدر مملکت ڈاکٹر عارف علوی دی اہلیہ بیگم ثمینہ عارف علوی، وفاقی وزیر اطلاعات و نشریات چوہدری فواد حسین سودھا وفاقی وزرا، ارکان پارلیمنٹ اتے اعلیٰ حکام شرکت کیتی۔ بل اینڈ میلنڈا گیٹس فائونڈیشن پاکستان اچ پولیو مکاوݨ اتے ملکی مالیاتی نظام اچ ترقی سانڳے ہتھ ونݙیندی پئی اے اتے بل گیٹس وزیراعظم عمران خان دے سݙے تے پاکستان آئن۔