اسلام آباد ۔ 17 مئی (اے پی پی) صدر مملکت ممنون حسین آکھیا ہے جو نیشنل ڈیفنس یونیورسٹی (این ڈی یو) معیاری تعلیم دی فراہمی، سویلین اتے فوجی افسراں دی تربیت اتے دفاعی حکمت عملی تجویز کرنڑ اچ قابل تحسین کردار ادا کریندی پئی ہے ۔انہاں اے گالھ این ڈی یو دے صدر لیفٹیننٹ جنرل نذیر احمد بٹ نال ایوان صدر اچ منگل کو ں گالھ مہاڑ کریندے ہوئیں آکھی ۔ جدید تعلیم دے حصول دی اہمیت کوں اجاگر کریندے ہوئیں صدر ممنون حسین پورے ملک اچ اعلیٰ تعلیم دے معیار کوں مزید اچا کرنڑ دی ضرور ت تے زور ڈتا ۔انہاں آکھیا جو پاکستان دی مسلح فوج دے افسراں اتے سول بیورو کریسی سانگے بلکہ دوست ملکاں دے سینئر افسراں سانگے وی معیاری سٹریٹجک اتے سیکورٹی پروگراماں دے اہتمام تے این ڈی یو کوں سراہیا۔ صدر لیفٹیننٹ جنرل نذیر احمد بٹ کوں این ڈی یو دے صدر دی حیثیت نال تقرری تے مبارخ باد ڈیندے ہوئیں امید ظاہر کیتی جو او چنگے طریقے نال اپنڑیاں ذمے واریاں کوں نبھیسن
