راولپنڈی۔2مارچ (اے پی پی) پاکستان تے آسٹریلیا دی ٹیماں وچال پہلا ٹیسٹ چار مارچ کوں پنڈی سٹیڈیم راولپنڈٰی اچ شروع تھیسی، پاکستان اتے آسٹریلیا دی ٹیم وچال ترائے ٹیسٹ، ترائے ون ڈے اتے ہک ٹی ٹونٹی میچ کھیڈیا ویسی۔ پہلا ٹیسٹ میچ 4 توں 8 مارچ تئیں پنڈی سٹیڈیم، راولپنڈی اچ۔ ݙوجھا ٹیسٹ میچ 12 توں 16 مارچ تئیں نیشنل سٹیڈیم کراچی اتے تریجھا ٹیسٹ میچ 21 توں 25 مارچ تئیں قذافی سٹیڈیم لاہور اچ کھیڈیا ویسی۔ ایں توں علاوہ ترائے ون ڈے اتے ہک ٹی ٹونٹی میچ پنڈی کرکٹ اسٹیڈیم راولپنڈی اچ کھیڈیے ویسن۔
