اسلام آباد۔2مارچ (اے پی پی) وزیراعظم دے مشیر برائے تجارت عبدالرزاق داؤد آکھیا جو فروری 2022ء اچ اساݙی برآمدات 36 فیصد ودھارے دے نال 2.808 ارب ڈالر تھی ڳئی اے جیڑھی گزریل سال دے ایں عرصے اچ 2.068 ارب ڈالر ہن۔ بدھ کوں ہک بیان اچ انہاں آکھیا جو اساݙی برآمدات اچ سو ملین ہر ݙینھ دے حساب نال ودھارا تھیے جیڑھا کہیں وی مہینے دے مقابلے تیز ترین ودھارا اے۔ انہوں آکھیا جو جولائی 2021ء توں فروری 2022ء اچ اساݙی برآمدات اچ 26 فیصد ودھارے نال 20.552 ارب امریکی ڈالر تھی ڳئن۔ جولائی 2020ء توں فروری 2021ء اچ اے برآمدات 16.324 ارب امریکی ڈالرز ہن۔
