“سرائیکی تہذیب ادب و ثقافت” دے عنوان توں سرائیکی ثقافتی ݙینھ دے حوالے نال اکادمی ادبیات اچ تقریب اڄ جمعے کوں تھیسی

اسلام آباد۔3مارچ (اے پی پی سرائیکی نیوزسروس):سرائیکی ادبی اکیڈمی دے زیر اہتمام سرائیکی ثقافتی ݙینھ دی مناسبت نال اڄ جمعے کوں اکادمی ادبیات اچ “سرائیکی تہذیب ادب و ثقافت” دے عنوان توں تقریب دا انعقاد کیتا ویندا پئے ،جیں دی صدارت اچ ریڈیو پاکستان دے ڈائریکٹر جنرل محمد عاصم کھچی کریسن ،جیں دے مہمان خصوصی ڈاکٹر محمد یوسف خشک، سئیں افتخار شیرازی،،سئیں ڈاکٹر علمدار حسین بخاری ہوسن۔ مہمانانِ اعزازسئیں ڈاکٹر فرحت عباس، محترمہ راشدہ ماہین ملک ہوسن، پروگرام اچ ڳالھ مہاڑ سئیں مظہر عارف۔ سئیں سطبین رضا لودھی۔ سئیں عرفان خان ۔ سئیں ملک آصف سیال ۔ سئیں عرفان جمیل ۔ سئیں سرفراز احمد رانا سئیں پروفیسر خورشید احمد سعیدی، سئیں سجاد حسین احمدانی۔ سئیں یاور عباس کریسن۔ پروگرام اچ ممتاز شعرا کرام سئیں انوار ہاشمی۔ سئین سجاد شاہ۔ پروفیسر جاوید ملک۔ خاور لغاری۔ سئیں منظور سیال۔سئیں کاشف رحمٰن کاشف۔ سئیں دلشاد محور آپݨا کلام پیش کریسن، نظامت دے فرائض محترمہ کوثرثمرین، سئیں نذیر تبسم انجام ݙیسن۔ پروگرام ڈاکٹر سعدیہ کمال۔ طارق کلیم۔شاہین بلوچ دی متمنی شرکت اچ تھیسی ،اتے پروگرام دے راہ بھلیندڑ شاہد دھریجہ۔ صابر ملک۔ عمید علی حجانہ ہوسن۔ واضح رہے جو سرائیکی ثقافتی ݙینھ 6 مارچ کوں ہر سال پورے ملک اچ جوش تے جذبے نال منایا ویندے ، سرائیکی ثقافت دی ساریں توں مقبول نیلی سرائیکی اجرک اے ، سرائیکی کلچر ڈے دے موقع تے مختلف شہراں اچ تقریباں ،ریلیاں اتے میلیں اچ تریمتاں ، نینگر ٻال بڈھے سارے سرائیکی اجرک ٹوپی پاتے بھرپور انداز اچ شریک تھیندن تے آپݨی ثقافت نال محبت دا اظہار کریندن ۔