لاہور۔5مارچ (اے پی پی):وفاقی وزیر اطلاعات و نشریات چوہدری فواد حسین آکھیے جو اپوزیشن کوں ھک خود ھک ݙوجھے تے اعتماد کائنی، ،48 گھنٹے گذرݨ دے بعد ہݨ 72 واں گھنٹہ شروع تھیوݨ آلا اے لیکن اپوزیشن دی تحریک عدم اعتماد دا کجھ اتا پتہ کائنی ، فضل الرحمان تے شہباز شریف کوں منہ لکاوݨ دی جاہ نہ ملسی ، ن لیگ اتے پیپلز پارٹی چار ڈویژناں دی پارٹیاں بݨ چکی اے ، پیپلز پارٹی حکومت تبدیلی دی بجائے زرداری فیملی توں پارٹی واپس گھنے، بلاول توں پچھݨ چاہنداں جو انہاں دا وزیراعظم کون ہوسی؟ حالی تاں ایجھا لڳدا پئے جو اٹھ گھنٹے شہباز شریف، اٹھ گھنٹے فضل الرحمان اتے اٹھ گھنٹے آصف زرداری وزیراعظم ہوسن ، سارے اتحادی ساݙے نال ہن ، اے ڳالھ انہاں ہفتے کوں پریس کانفرنس توں خطاب کریندے ہوئیں آکھی اے ایں موقع تے وفاقی وزیر تعلیم شفقت محمود وی رلے ہن ۔وفاقی وزیر چوہدری فواد حسین آکھیےجو وزیر اعظم عمران خان دی قیادت اچ حکومت مستحکم اے۔
