جنیوا۔9مارچ (اے پی پی):عالمی ادارہ صحت (ڈبلیو ایچ او)آکھیے جو کووڈ-19 پاروں پوری دنیا اچ ہلاکتاں دی تعداد6 ملین توں ودھ ڳئی ۔ چینی خبر رساں ادارے موجب عالمی ادارہ صحت (ڈبلیو ایچ او) دی جاری کیتی ڳئی رپورٹ اچ آکھیا ڳئے جو وبائی مرض کووڈ- 19 توں دنیا اچ ہلاکتاں دی تعداد6 ملین توں ودھ ڳئی اے جیڑھی جو منڳل تئیں 6,004,421 تئیں پڄ ڳئی اے ۔ عالمی سطح تے ہݨ تئیں کووڈ- 19 دے 446,511,318 تصدیق شدہ کیسز ہن جنہاں اچ 6,004,421 اموات وی شامل ہن۔ امریکا اچ تصدیق شدہ کیسز اتے اموات ݙوہیں دی ساریں توں ودھ تعداد اے ، جیں اچ 78 ملین توں ودھ تصدیق شدہ کیسز اتے 951,348 اموات ہن، جیڑھا جو دنیا دی مجموعی تعداد دا بالترتیب 17.6 فیصد اتے 15.8 فیصد ہن۔ امریکا دے بعدبھارت اتے برازیل دا نمبر آندے جتھاں بالترتیب 42 ملین اتے 29 ملین توں ودھ تصدیق شدہ کیسز ریکارڈ کیتے ڳئن تے نال ہی 515,210 تے652,143 اموات وی تھئن ۔
