اسلام آباد۔9 مارچ(اے پی پی)وزیر خارجہ مخدوم شاہ محمود قریشی آکھیے جو ایم کیو ایم ساݙی حلیف جماعت اے جیکوں وزیراعظم تے پورا اعتماد اے، ایم کیو ایم قیادت نال ملاقات چنڳی رہی اے۔ ہک بیان اچ انہاں آکھیے جو ملاقات اچ ملکی سیاسی صورتحال دا جائزہ ڳھدے، ہک ٻئے نال تعاون دے امور سودھا آندی حکمت عملی تے ڳالھ مہار تھئی اے، ایم کیو ایم چنڳی مہمان نوازی کیتی اے اتے حمایت دا یقین ݙیوائے، انہاں کوئی مطالبہ ݙتے نہ شکایت کیتی اے۔
