اسلام آباد۔10مارچ (اے پی پی):الیکشن کمیشن یوسف رضاگیلانی نااہلی کیس دی سماعت 14 مارچ تئیں ملتوی کرݙتی اے ، خمیس کوں چیف الیکشن کمشنر سکندر سلطان راجہ دی سربراہی اچ ترائے رکنی بنچ الیکشن کمیشن اچ سینیٹر یوسف رضا گیلانی دے خلاف کیس دی سماعت کیتی ،ایں موقع تے پی ٹی آئی دے وکیل علی ظفر پیش کائنی تھئے ۔سماعت اچ چیف الیکشن کمشنر آکھیے جو ٻاہر ونڄ تے اے تاثر ݙتا ویندے جو الیکشن کمیشن فیصلہ نی کریندا الیکشن کمیشن تاں فیصلہ کرݨ چاہندے ، کمیشن کوں سنجیدہ گھنو ۔ملیکہ بخاری آکھیے جو اساں سنجیدہ ہیسے تے کیس دا فیصلہ ݙیکھݨ چاہندوں ، انہاں موقف اختیار کیتے جو پہلے ساݙے وکیل بیرسٹر علی ظفر اپݨے دلائل مکمل کرݨے ہن ۔الیکشن کمیشن سماعت 14 مارچ سنوار ݙینھ ھک وڄے تئیں ملتوی کرݙتی ۔
