لاہور۔10مارچ (اے پی پی):وزیراعظم عمران خان آکھیے جو سیاسی محاذ تے پہلا اتے اہم مرحلہ اسلام آباد اے، حکومت سیاسی محاذ تے پر اعتماد اتے مستحکم اے، پنجاب دی سیاسی صورتحال تے تفصیلی مشاورت نال فیصلہ کیتا ویسی ، اے ڳالھ انہاں گورنر پنجاب چوہدری محمد سرور اتے وزیرِ اعلی پنجاب سردار عثمان بزدار نال ڳالھ مہاڑ کریندے ہوئیں آکھی اے جنہاں خمیس کوں اتھاں انہاں دے نال ملاقات کیتی اے ۔ وزیراعظم آفس دے میڈیا ونگ توں جاری بیان موجب ملاقات اچ ملکی سیاسی صورتحال تے تفصیلی ڳالھ مہاڑ کیتی ڳئی، ایندے توں انڄ ملاقات اچ صوبے دے انتظامی امور اتے جاری ترقیاتی منصوبیں تے پیش رفت تے وی ڳالھ کیتی ڳئی ۔وزیرِ اعظم عمران خان وفاقی وزرا مخدوم شاہ محمود قریشی، اسد عمر، شفقت محمود، مخدوم خسرو بختیار، وزیرِ مملکت فرخ حبیب اتے معاونِ خصوصی ڈاکٹر شہباز گِل دے رلے خمیس کوں ھک ݙینھ دے دورے تے لاہور پڄے ۔
