لاہور۔11مارچ(اے پی پی)وفاقی وزیرخزانہ سینیٹر شوکت ترین آکھیے جو غریب عوام دی محرومیاں مکاوݨ کیتے انقلابی اقدامات تھیندے پن، ملکی معیشت تکڑی کرݨ کیتے اینڄھا روڈمیپ ٻݨدا پئے جو آندی کوئی حکومت ایکوں نہ مکا سڳے۔ اے ڳالھ انہاں ایوان کارکنان تحریک پاکستان اچ سیمینار نال الیندے آکھی۔ انہاں آکھیا جو خصوصی اقتصادی زونز اچ سرمایہ کاری کیتے بیرونی سرمایہ کاراں کوں متوجہ کریندے پئے ہیں، پٹرولیم مصنوعات تے 104 ارب روپے ماہانہ دی سبسڈی ݙیندے پئے ہیں، حکومت عوام کوں پٹرولیم مصنوعات دی قیمتاں اچ وݙا ریلیف ݙتے، اساں عالمی منڈی دے مطابق 240 دی بجائے 150 روپے لیٹر اچ پٹرول ݙیندے پئے ہیں۔
