لاہور۔12مارچ(اے پی پی)وزیرمملکت برائے اطلاعات و نشریات فرخ حبیب آکھیے جو اپوزیشن آلے جتنیاں شیروانیاں سیوا ڳھنن، انہاں دی چھیکڑی منزل اڈیالہ جیل ہوسی، وزیراعظم عمران خان دے خلاف تحریک عدم اعتماد دی ناکامی دے بعد اپوزیشن آلے ہک ٻئے دے خلاف عدم اعتماد کر ݙیسن، اتحادی ساݙے لاڈلے ہین جیڑھے وزیراعظم دے نال ہین اتے راہسن۔ اے ڳالھ انہاں حافظ آباد پریس کلب اچ پریس کانفرنس نال خطاب کریندے آکھی۔ انہاں آکھیا جو تحریک عدم اعتماد توں پہلے اسلام آباد ڈی چوک اچ وݙے عوامی اجتماع نال اپوزیشن دیاں اکھیں کھل ویسن۔ انہاں آکھیا جو وزیراعظم او لیڈر ہین جیڑھے کہیں دے آقو ڄھکسن نہ قوم کوں جھکݨ ݙیسن اتے اپوزیشن دی ہر ہک سازش ناکام تھی ویسی۔
