اسلام آباد۔13مارچ(اے پی پی)وزیر مملکت اطلاعات و نشریات فرخ حبیب آکھیے جو وزیراعظم عمران خان کوں اوورسیز پاکستانیاں نال وݙا پیار اے، عمران خان اوورسیز پاکستانیاں کوں ووٹنگ دا حق ݙتے، 30ارب ڈالر دی ترسیلات زر پاکستان آندیاں پن، آندے سال اے ایندے توں وی ودھ ویسن۔ اے ڳالھ انہاں اسلام آباد اچ اوورسیز کنونشن نال خطاب اچ آکھی۔ انہاں آکھیا جو زرداری، بلاول، مریم صفدر کوں سݙا اے جو آ ݙیکھن کہ کنونشن اچ فارن فنڈنگ آلے ہین یا محب وطن پاکستانی، پی ٹی آئی کیتے کھٹیے ڳئے کھݙیاں اچ ن لیگ اتے پیپلز پارٹی آپ ݙھاسن۔ فرخ حبیب آکھیے جو اساں اوں لیڈر نال کھڑے ہیں جیندے نال اساں ماݨ نال سینہ چوڑا کر تے الا سڳدے ہیں جو عمران خان اتے انہاں اچ وݙا فرق اے، عمران خان دے ݙر توں چوراں دا گلدستہ کٹھا تھی ڳعے جیڑھا تیکھے کھنݙ پنݙ ونڄݨے۔
